Waxaa Maanta oo sabti ah lagu wadaa in Xarunta Teendhada Afisyooni ee xeyndaabka Garoonka Aadan Cadde ee Magaalada Muqdisho ka dhacdo doorashada Guddoomiyaha Guddiga doorashooyinka heer Federaal iyo ku-xigeenkiisa.
Xubnaha qaban-qaabada doorashada ayaa diiwaan-geliyay Musharaxiin dhowr ah oo u tartamaya xilka Guddoomiyaha Guddiga doorashooyinka heer Federaal iyo ku-xigeenkiisa, kuwaasi oo ka tirsan isla Guddiga doorashada Federaalka.
Guddiga doorashada ayaa maalmo kahor shaaca ka qaaday in Maanta oo sabti ay Magaalada Muqdisho ka dhaceyso doorashada Guddoonka cusub ee Guddiga doorashooyinka heer Federaal.
Si kastaba Maxamed Xasan Cirro oo ahaa Guddoomiyihii Guddiga doorashada Federaalka ayaa xilka laga qaaday, kadib markii lagu eedeeyay inuu ku milman Arrimaha siyaasadda dalka.