Warar dheeraad ah ayaa kasoo baxaya kooxo hubeysan oo barqanimadii Maanta Nin watay gaari nooca raaxada ah ku dilay agagaarka Isgoyska Carwo Itko, degmada Howlwadaag ee Gobolka Banaadir.
Dad Goobjoogayaal ah ayaa waxaa ay ku warrameen in Ninka darawalka ahaa ee watay gaariga rasaas lagu furay ay uga dhacday qeybaha sare ee jirka, isla markaana uu goobta ku geeriyooday.
Marxuumka la dilay ayaa dad yaqaanay waxaa ay magaciisa ku sheegeen Ismaan Nuur Geedi, waxaana halka uu falku ka dhacay si deg deg ah uga baxsaday raggii ka dambeeyay falkaas oo aan heybtooda la garan.
Qaar kamid ah Ehelada Marxuumka iyo Ciidamo ka tirsan kuwa Booliska dowladda Federaalka SOomaaliya ayaa tegay goobta uu dilku ka dhacay, isla markaana halkaas ka qaaday Meydka, lana aaday dhinaca Xarunta CID-da.
Magaalada Muqdisho ee Caasimadda dalka ayaa tan iyo markii la guda galay bisha barakeysan ee Ramadaan waxaa ka dhacay dilal qorsheysan oo ay geysteen kooxo hubeysan, waxaana dilalka qaarkood sheegtay Al-shabaab.