Ciidamada ammaanka Degmada Kaxda ayaa u suura gashay in ay gacanta ku dhigaan nin geystay fal kufsi ah, kaasi oo kufsaday Gabar Todoba sano jir ah, kana mid ah dadka Barakacayaasha ah ee ku nool Degmada Kaxda.

HALKAN RIIX DAAWO VIDEO

Guddoomiyaha Degmada Kaxda ee Gobolka Banaadir Maxamed Ismaaciil C/laahi oo la hadlay Risaala ayaa sheegay in ninka falkaasi geystay in Hay’adaha amniga ay gacanta ku hayaan, baaritaanna lagu hayo.

Waxa uu sheegay Gabadha falka kufsiga ah loo geystay ee Todobo sano jirka ah in hada la geeyay goobo caafimaad, si xaaladeeda caafimaad loo hubiyo.

Maxamed Ismaaciil C/laahi Guddoomiyaha Degmada Kaxda ee Gobolka Banaadir ayaa sheegay ninkan in sharciga la waafujin doono, maadaama falka uu yahay mid tacadi ah.

Inta badan xeryaha ay ku sugan yihiin dadka Barakacayaasha ah ee ku yaalla Duleedyada Magaalada Muqdisho ayaa waxaa ka dhaca falalka nuucaan oo kale ah, ee kufsiga oo dad wax magarata ah ay kula dhaqaaqaan Hablo Soomaaliyeed.