Wasiirka Wasaaradda Warfaafinta Maamulka Somaliland Cismaan C/llaahi Saxardiid Cadaani oo Warbaahinta kula hadlay magaalada Hargeysa ayaa digniin culus u diray Laanta Afka Soomaaliga ee BBC-da oo u sheegay in Warar been abuur ah ka faafisay Somaliland.

Wuxuu sheegay Wasiir Saxardiid in goor danbe BBC-da raali gelin ka bixisay Warka,balse ay ku sii raageen barahooda Bulshada sida uu hadalka u dhigay.

HALKAN RIIX DAAWO VIDEO

Wasiirka Warfaafinta Maamulka Somaliland ayaa sheegay in BBC-da si qaldan oo aan habooneyn ugu hadashay dadkii Soomaalida ahaa ee lagu laayay Gobolka Hawadaay ee dalka Itoobiya,wuxuuna Mr Cadaani ku tilmaamay in fool xumo ay tahay iney soo noq noqdaan qaladaadka BBC-da ay ka gasho Somaliland.

Wuxuuna ugu danbeyn digniin u diray Madaxda BBC-da qeybteeda Laanta Afka Soomaaliga oo ku aadan ineysan mar danbe soo noqon qaladkaan oo kale.