Widhwidh ( HM) Waxaa maanta magaalada Widhwidh soo dhowayn balaadhan iyo Marti qaad loogu sameeyay Ergooyinkii Nabadayta Beelaha Walaala ah iyo Guddiyo Laga soo Xulay Labada Beelood, ee dhowaan Colaadu ay ku dhexmartay Waqooyiga magaalada Buuhoodle.
HALKAN KA DAAWO VIDEO
Garaad Jaamac Garaad Cali iyo Wufuud kala duwan oo uu Hoggaaminayo oo ay Qayb ka yihiin Isimada dhaqanka ee deegaanku ayaa dhankooda madasha ka hadlay, Waxaa Wafdigu maanta gelinka dambe uga sii gudbi doonaan magaalada Saaxdheer oo ah Halka la dhigay Gogoasha lagu dhamayn doono colaadan oo soo Noqnoqotay.
Madaxda dhaqanka ee Howsha Nabadaynta ku jiray dhex Dhexaadinta iyo Ergooyinka Labada Beelood Ayaa Booqan doona magaalooyinka ay Degan Beelaha BahoKhayr (Bahararsame iyo Qayaad) Halkaasi oo ay kusoo arki doonaan Dhibaatadii ka dhacday dagaaladii ka dhacay Koonfurta Gobolka sool iyo Waxyaabihii ay Bulshada deegaankaasi ka baratay.
Garaad Jaamac Garaad Cali iyo Madaxda kale ee dhaqanka oo madasha ka hadlay Ayaa Rajjo wanaagsan ka muujiyey Gogosha Nabadaynta ee la dhigay Saaxdheer, waxaana sidoo kale Beesha Guuleed Garaad looga mahad celiyey soo dhowaynta iyo Doorka ay Nabadda ka ciyaarayso.
Horufadhi News