Dagaalkan ayaa la soo sheegayaa inuu bilowday kadib markii dagaalyahanada AlShabaab ay weerar ku qaadeen ciidamo katirsan DFS iyo dad shacab ah oo garabsiinayay.

Inkastoo Taliyaha ciidamada Militeriga DFS ee degmada Maxaas Muumin Xasan Ibraahim uu sheegay in dagaalkaas uu dhexmaray shacab iyo SHABAAB, hadana waxaa lasoo sheegayaa in militeriga Soomaaliya ay deegaankaas ku sugnaayeen kahor dagaalka.

HALKAN RIIX DAAWO VIDEO

Ku dhawaad 10 ruux ayaa lasoo sheegayaa iney dhinteen halka tiro intaas ka badan oo dhaawac ahna uu soo gaaray dhinacyada dagaalamay.

Sargaalka uhadlay dowladda ayaa sheegay in dhankooda laga dilay afar qof oo labo kamid ah ay walaalo ahaayeen halka dhanka AlShabaab laga dilay ilaa lix askari.

Xaaladda ayaa caadi kusoo laabatay, laakiin waxaa jirta cabsi dagaal oo wali taagan maadaama AlShabaab ay ku sugan yihiin deegaan aan ka dheereyn halkii lagu dagaalamay