Warar dheeraad ah ayaa laga helaya dagaal u dhexeeyay Ciidanka Boliska dowladda Federaalka gaar ahaan kuwa Haramcda iyo Al-shabaab ayaa waxaa uu ka dhacay qeybo kamid Magaalada Muqdisho.
Dad ayaa ku warramay in dagaalka uu bilowday, ka gadaal markii xubno ka tirsan Al-sbabaab ay weerar kedis ku qaadeen fariisin Ciidamada dowladu ku leeyihiin Ex-Kontrol Balcad ee degmada Heliwaa ee Gobolka Banaadir
Dagaalka ayaa la isku adeegsaday rasaas culus iyo gantaalaha garabka laga tuuro ee loo yaqaanp RBG ama Baasuuke, iyadoo cabsi badan ay la soo deristay dadka degan xaafadaha ku dhow goobta dagaalka dhacay.
Lama oga khasaaraha ka dhashay dagaalkan, waana markii labaad oo xiriir ah oo Al-shabaab ay weeraro ku soo qaadaan fariisimada ciidamada DF ku leeyihiin gudaha iyo duleedyada Muqdisho.
RIIX HALKAAN SI AAD U DAAWATO MUUQAALKA
Habeen horey ayey markii ciidamada Booliska Haramcad ay qabteen gaari iyo 3 ka mid ah dagaalyahano hubeysan oo ka tirsan Al-shabaab, kuwaasi weerar ku soo qaaday saldhig ay ku leeyihiin degaanka Xaawo cabdi ee wadada Afgooye.