Wasiirka Wasaaradda Cafimaadka iyo Daryeelka Bulshada Dr. Fawziya Abiikar Nur ayaa Tallaalka SINOVAC oo ka mid ah Talaalada ka hortaga Caabuqa Covid-19 ka guddoontay Safiirka Dowladda Shiina u fadhiya Soomaaliya Qin Jian.
Tallaalka ayaa laga soo dejiyay Garoonka diyaaradaha Aadan Cadde, waxaana la wareegay Mas’uuliyiin ka tirsan dowladda Federaalka oo ay ugu horreeysay Wasiir Fowsiga Abiikar Nuur.
Tallaalka SINOVAC ee soo gaaray Magaalada Muqdisho ee Caasimadda dalka ayaa dhan 200,000 doos oo la rajeynayo inay qaataan ilaa 100,000 qof oo u kala qaadan doona dooska 1aad iyo dooska 2aad.