Hargeysa (HM)-maamulka Soomaliland ayaa ka hadlay dagaalkii maanta ka dhacay duleedka Degmada Hadaaftimo ee Gobalka Sanaag kaas oo uu ka dhashay khasaare labada dhinac ah.
Wasiirka warfaafinta ee maamulka Hargeysa oo goordhow warbaahinta kula hadlay Hargeysa ayaa sheegay inuu jiro dagaalka isla makaana jidgooyo loo dhigtay Badhasaabka Degmada Badhan ee maamulka Hargeysa sidaasna uu dagaalka ku bilowday.
Wasiirka warfaafinta ee maamulka Soomaliland ayaa qirtay in dagaalka maanta lagaga adkaday isaga oo sheegay in ay ciidanka Puntland ka Hub badnaayeen halka Badhasaabka la weeraaray uu watay laba gaadhi mid Tiknika ah iyo Gaadhi raaxa ah in kastoo labadaas gaadhiba Puntland sheegatay in ay qabsadeen hadana Soomaliland ma qirin in gaadiidkii laga qabsaday.