Hargeisa (HM ) Magaalada Hargeisa ayaa maanta waxaa laga Tukaday Salaad Roob doon ah, Waxaana hadalo ka jeediyey Culimada iyo Qaar kamid ah Masuuliyiinta Somaliland.

HALKAN KA DAAWO VIDEO

“Waxaynu isugu nimid in Alle aynu Barino, oo aynu is wada Saamaxno, Waana Bishii Shacbaan ee Acmaasha la Qaado, Aynu iscafino  “.

Madaxwaynaha Somaliland Muuse Biixi Cabdi ayaa Bulshada ugu baaqay inay Alle Baryaan oo Ducada ay Ficil ku daraan.

“Abaaraha soo Noqnoqday hadii Aan Ducada Ficil lagu darin waxbaa dhiman, Baryo Bini Aadam baryon mayno, Alle wuxuu yidhi I Barya aan idin caawiyee,  Xoooga iyo Xoolaheena waa inagoo isku gayna, oo ku dhaqaaqnay Sidee abaarta uga bixi karnaa, Alle inama odhan Hay’ado iyo Qolyo aydaan isku diin ahayn Barya” Ayuu yidhi Madaxwayne Biixi.

Dhanka kale wararka aan galabta ka helnay Magaalada Hargeysa iyo deegaano kale oo Gobalka Sanaag kamid ah waxaa ay kusoo waramayaan in halkaas ay ka hooreen roobabkii la sugayey e Guga.