Warar dheeraad ah ayaa kasoo baxaya qarax Is-miidaamin ah oo xalay ka dhacay degmada Shangaani ee Gobolka Banaadir, kaasi oo lala beegsaday Maqaaxi ay fadhiyeen rag dhalinyaro ah.
Qof isku xiray Jaakad waxyaabaha Qarxa ah ayaa dhex galay Maqaaxi laga cabo shaaxa oo ku taalla meel ku dhow Saldhiga Booliska degmada Shangaani, waxaana qaraxaas ka dhashay khasaaro isugu jira dhimasho iyo dhaawac.
Al-shabaab warar ay ku qoreen barahooda qadka Internet-ka ayaa waxaa ay ku sheegeen Mas’uuliyada qaraxii xalay ka dhacay Magaalada Muqdisho, iyagoona sheegay inay la beegsadeen Saraakiil ka tirsan Sirdoonka Qaranka.