Garoowe (HM)-Maxkamadda sare ee maamulka Puntland ayaa u fadhiisanaysa wajiga 2aad ee dacwadda ka dhanka ah xukumanayaasha ku eedaysan kiiskii kufsiga iyo dilka ee marxuumad Caasha Ilyaas Aadan oo kol hore Kufsi iyo dil loogu gaystay si araxan daro ah Magaalada Gaalkacayo.
Waxaa maanta lagu wadaa isla markaana lafilayaa inay markale maxkamaddu dhegaysato eedaymaha xeer ilaalinta Puntland, isdifaacidda xukumanayaasha kiiskaan iyo qareenada u doodaya kadib markii maxkamaddu Sabtidii, maanta oo isniin ah ballamisay.
Saddexda nin ee loo haysto kiiskaan ayaa horay Maxkamadaha derejada 1aad iyo rafcaanka gobolka Nugaal dil toogasho ah ugu xukumeen waxaase kiisku yeeshay weji kale kadib markii mid kamid ah xukumanayaashu qiraal sameeyey isla markaana Maxkamadda ka hor qirtay in uu isagu wax ka sameeyay falka lagu dilay Caasho yar.