Guddoomiyaha Guddiga doorashooyinka Gobollada Woqooyi (Soomaaliland) Khadar Xariir Xuseen, ayaa sheegay in maalmaha soo socda ay bilaabi doonaan doorashada Xildhibaannada Golaha Shacabka ee ka soo jeeda Soomaaliland.

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa kulan la qaatay Guddiga doorashooyinka Somaliland, iyagoona ka wada hadlay dardar-gelinta howlaha doorashada Golaha Shacabka.

Sidoo kale Guddiga doorashooyinka Somaliland iyo Ra’iisul Wasaare Rooble ayaa isla qaaday in doorashada la soo qiimeeyo, isla markaana Odayaashii iyo ergadii soo xuli laheedna la dadejiyo, lana bilaabo howsha.

“Waxaa la isla qaatay in labada isbuuc ee soo socota doorashooyinka si fiican oo hufan ay u bilowdaan, waxaa la isla qaatay in goobtii doorashada la soo qiimeeyo Odayaashii iyo ergadii soo xuli laheedna la dadejiyo, iyo in kuraasta ugu horeesa ay qabsoomi doonaan labada isbuuc gudahood la islana gartay qorshe hoowleed dhamees tiran oo ku qotama shaqa walba iyo xiligalaqaban doono” ayuu yiri Guddoomiye Khadar Xariir Xuseen

Guddoomiyaha Guddiga doorashooyinka Gobollada Woqooyi ayaa tilmaamay in ay ballan qaadayaan in doorashada Xildhibaannada Golaha Shacabka ee ka soo jeeda Soomaaliland waqtigeeda aysan dhaafin si fiicana ay u qaban doonan.

HALKAAN KA DAAWO MUUQAALKA