Madaxweynaha Somaliland Muuse Biixi Cabdi, ayaa maanta kulan la qaatay Toddobada xubnood ee guddida Doorashooyinka oo ka hirgeliyey doorasho Golayaasha Wakiilada iyo deegaanka.
Madaxweyne Muuse Biixi Cabdi wuxuu ugu horrayn xubnaha Komishanka doorashooyinka ugaga mahadceliyay doorashadii milgaha lahayd ee ay ka hirgeliyeen, xilkasnimadii iyo dhabar-adaygii ay sameeyeen.
Shacabka Somaliland, ayuu Muuse Biixi ugaga mahadnaqay sida nabadgelyada leh ee ay doorashada uga qayb qaateen, isaga oo sidoo kalena Beesha caalamka iyo cidkasta oo doorashadaas si uun gacan uga geysatayna bogaadiyey.
Dhinaca kale, madaxweyne Muuse Biixi Cabdi waxa uu shacabka u diray farriin ku saabsan doorashooyinka shir-guddoonka golaha wakiillada, Maayarrada iyo ku-xigeennada degmooyinka.