Mustafe Maxamed Martin oo dhowaan ku dhowaaqay inuu yahay Madaxwaynaha Maamulka Cusub ee United Somaliland ayaa ka warbixiyey Maamulkii uu soo dhisay, Heshiiskii ay galeen Dubai , Itoobiya iyo Somaliland iyo Xaalada Guud ee Soomaalida iyo Halganka ay maanta u baahan yihiin.

HALKAN KA DAAWO VIDEO

Wuxuu sheegay inuu soo dhisay Xukuumad ka kooban 5 Waxood, Wuxuuna sheegay inuu shaacin doono 25-Xil oo kala duwan, Wuxuuna sheegay inuu Maxamed Cismaan Dhiirane iyo Faysal Faarax Suusle uu laba xil u magacaabay.

Isagoo ka hadlaya Heshiiska dekedda Berbera ayaa wuxuu sheegay inaysan Arintu ku Koobnayn Dekedda Balse Halkaasi lagu kala saxeexday Hantida Somaliland oo dhan , iyadoo Boqolkiiba 19 waxaa qaadan doonta Itoobiya Halka 51% ay Qaadan doonto Dubai, inta kalana ay heli doonto Somaliland. Wuxuuna sheegay inay kasoo Horjeedaan Heshiiskaasi.

Wuxuu ugu baaqay Dhamaan Ummadda Soomaaliyeed inay Arintaasi u Arkaan Duulaan lagu soo Qaaday Guud ahaanba Soomaaliya, Wuxuuna sheegay inuu Heshiiskan Gaar u yahay Laba Beelood oo la isku dhaho Jeegaanta, Sida uu hadalka u dhigay.