Kaddib kulamo saacadihii la soo dhaafay ka socday Magaalada Muqdisho oo looga hadlayay xal u helida khalalaasihii ka dhashay muddo kororsigii ayaa ugu dambeyn xal laga gaaray.
Guddiga Farsamada uu magacaabay Ra’iisul Wasaaraha, Guddiga Saraakiisha Ciidamada ee ka soo horjeeday Muddo kororsiga, Madaxweynayaasha Galmudug iyo Hirshabelle ayaa la isku afgartay in xal laga gaaro khalalaasaha.
Kulanknaas ayaa waxaa markii dambe ku soo biiray Ra’iisul Wasaare Rooble, isagoo boggaadiyay xalka arrimahaas laga gaaray iyo kulamadii socday ee mira dhalay.
Qodobada lagu heshiiyay ayaa waxaa Warbaahinta u Akhriyey Wasiir ku-xigeenka Wasaaradda Warfaafinta Cabdiraxmaan Sheekh Yuusuf Alcadaala.