Guddiga Doorashooyinka Koonfur Galbeed Soomaaliya ayaa Maanta doortay Guddoomiyaha Guddiga iyo ku-xigeenkiisa, kadib markii kulan ku yeesheen Hotel ku yaalla Magaalada Muqdisho ee Caasimadda Dalka.
Gudoomiyaha Guddiga Doorashooyinka Koonfur Galbeed ayaa loo doortay Yuusuf Cabduqaadir Maxamed Baffo oo heley Codad gaareya 10-cod halka Maxamed Cabdullahi isxaaq oo la tartameyey uu heley 1cod
Gudoomiye Kuxigeen Doorashada ayaa loo doortay Nuurdiin Ibraahim Aadan oo heley Codad gaaraya 9 cod halka Cabdullaahi Cabdi Mudalib uu helay 2-cod.
Sidoo kale Guddiga Doorashada dowlad Goboleedka Galmudug ayaa iyaguna Maanta doortay Guddoomiye iyo ku-xigeenkiisa, isla markanaa waxaa doorashada goobjoog ka ahaa 11-xubnood ee Guddiga.
Guddoomiyaha Guddiga Doorashada Galmudug ayaa waxaa loo doortay Maxamed Daahir Guuleed oo helay Codad gaaraya 11, halka ku-xigeenkiisa isna loo doortay – Saacid Aadan Jaamac oo helay 11.