Magaalada Muqdisho ee Caasimadda dalka ayaa waxaa lagu soo gaba-gabeeyay Shir looga hadlaayay aayo katashiga Gobolada Sool, Sanaag iyo Ceyn oo afartii maalmood ee lasoo dhaafay ka socday Muqdisho.
Shirka ayaa waxaa ka qeyb galay siyaasiyiin, Waxgarad, Dhalinyaro, Aqoonyahano, Haween iyo xubn kale oo dhammaantood kasoo jeeda saddexda Gobolka, iyagoona siweyn uga hadlay aayo ka tashiga Gobolada Sool, Sanaag iyo Ceyn.
Sidoo kale inta uu socday Shirka ayaa qodobada looga hadlay kamid ah Matalaada siyaasadeed ee Gobolada iyo nabadeynta deegaanada, iyadoona Shirka laga soo saaray Wr-murtiyeed ka kooban dhowr qodob.
Shirka ayaa Ra’iisul Wasaaraha Xukuumada Federaalka Soomaaliya Maxamed Xuseen Rooble ugu baaqay inuu ilaaliyo Matalaada siyaasadeed Sool, Sanaag iyo Ceyn, isla markaana Puntland ka dalbaday in Doorashada Baarlamaanka u deyso Odayaasha dhaqanka.