Heshiiskii ugu horeeyey ee rasmiga ah ayey Dowladaha Somalia iyo Itoobiya ku kala saxiixdaan Heshiiska Ganacsiga Qaadka Itoobiya lagu bedelanayo Kalluunka Somalia.
Xafladda lagu kala saxiixanayey Heshiiskaasi ayaa waxaa barqanimadii maanta lagu qabtay Garoonka Caalamiga ee Diyaaradaha ee Aadn Cadde ee Magaalada Muqdisho.
Wasiirka Kalluumeysiga iyo Kheyraadka Badda ee Xukuumadda Federalka, C/llaahi Bidhaan Warsame, iyo Wasiirka Gaadiidka Dhulka iyo Cirka, Duraan Axmed Faarax iyo Danjiraha Itoobiya u jooga Somalia iyo Mas’uuliyiin iyo Gaacsato iyo Mart kale ayaana ka qeyb galay Saxiixa Heshiiska.
Heshiiskaasi ayaana horseeday in Kalluunka Somalia uu Suuq Caalami ah ka helo Dalalka deriska iyo kuwa kale.
Dhinaca kale, Shixnadii ugu horeeysay ee Kalluunka Somalia oo dhan 5000 oo Tan ayaa maanta loo daabulay dalka Ethiopia, iyadoo lagu raray 2 ka mid ah Diyaaradaha Shirkadda Ethiopian Airlines oo maanta Shixnado Qaad ah ka soo dejiyey Garoonka Aadan Cadde.