Magaalada Balad Xaawo ee Gobolka Gedo waxaa weli ka taagan xiisad u dhaxeysa dadka deegaanka iyo Ciidamada Kenya.

Xiisadaas ayaa ka dambeysay kadib markii Dowladda Kenya ay iskudayday in ay dib u bilaawdo derbiga ay ka dhiseyso Xadka,iyada oo lagu eedeynayo in ay ku soo xadgudubtay dhulka Soomaaliya.

Nabadoon Idiris oo ka mid ah Waxgaradka Magaalada Balad Xaawo ayaa Dalsan u sheegay in Dabaabaadka Ciidamada Kenya ay soo galeen Magaalada Balad Xaawo,isla markaana Maamulka Degmada Iyo kan Gobolka Gedo ay raali ka yihiin.

HALKAN KA DAAWO VIDEO

Gelinkii dambe ee Maanta ayaa Ciidamada Jubbaland waxa ay rasaas ku kala eryeen Shacab duugayay Godad ay Ciidamada Kenya ka qodeen Balad Xaawo si ay darbi uga dhisaan.

Masuuliyiinta Maamulka Jubbaland ayaa waxgaradka Balad Xaawo ay ku eedeeyeen in ay masuul ka yihiin dhibaatada ka taagan Magaaladaas,iyaga oo u fasaxay dowladda Kenya in ay ku soo xadgudubto dhulka Soomaaliya.