Tiro dad ah ayaa ku dhintey duqeyn hawada ah, halka kuwa kalana ay ku dhaawacmeen, taasoo ka dhacdey tuulada Togogo, oo u jirta 25km magaalada Mekele ee dalka Itoobiya.
Duqeyntan ayaa waxaa geystay ciidamada cirka Itoobiya shaley.
Afhayeenka ciidamada Itoobiya, ayaa sheegay in diyaaradda dagaalka ay bartilmaameed saneysay dagaal yahano halkaasi ku dhuumaaleysanaya.
Dhakhaatiirta isbitaalka Ayder, ayaa u sheegay BBC-da qeybteeda Tigreega, in toddobo qof oo kusoo dhaawacmey duqeynta lagu daweynayo isbitaalka.
HALKAAN KA DAAWO MUUQAALKA
Dadka deegaanka ayaa sheegay in gawaaridda lagu qaado dadka dhaawaca in loo diidey in dadkii ku dhaawacmey duqeynta iney ula cararaan goob caafimaad.