Laascaanood  ( HM ) -Gudoomiyaha Baarlamaanka Somaliland   Baashe Maxamed Faarax oo Warbaahinta kula hadlay magaalada Hargeisa ayaa wuxuu Sharci darro ku tilmaamay   Xadhiga Xildhibaan Dhakool, Balse ay ku kala Aragti duwan yihiin 18-May.

HALKAN KA DAAWO VIDEO

“Xildhibaanku wuxuu Dhiibtay Aragtidiisa, Dastuurka ayaana u Fasaxaya, waxaan ka xunahay Xadhiga loo gaystay oo Baalmarsan Sharciga,     Xildhibaanku wuxuu leeyahay Dariiq loo maro, isagoo Xasaanad leh ayaa  loo daatay Gurigiisa oo lasoo xidhay “ Ayuu yidhi Baashe.

Ciidamada Booliska  ayuu ugu baaqay inay marka ay dadka iyo Masuuliyiinta Xadhiyaan u maraan Sifo Sharci ah.

Dhinaca kale Gudoomiye Baashe ayaa sheegay in laga Hor istaagay  inuu Booqdo, Wuxuuna sidoo kale xusay inay dambi kale tahay Maxkamadda la keenay maanta.