Ciidanka Kumaandooska Soomaaliya ee DANAB ayaa sida la sheegay hawlgal qorshaysan kula wareegay degaanno ka tirsan Gobolka Shabeellada Hoose ee Maamulka Koonfur Galbeed oo ku harsanaa gacanta Al-shabaab.
Hawlglkaas ayaa lagu qabtay degaannada Gambarey iyo Dawacaaley oo ka tirsan Shabeellada Hoose halkaas oo ay saldhigyo waaweyn ku lahaayeen Al-shabaab sida ay sheegeen Saraakiisha DANAB.
Saraakiisha ayaa tilmaamay in la burburiyay saldhigyadaas ay lahaayeen, isla markaana oo Al-shabaab ka soo abaabul jireen weeraro iyo qaraxyo ka dhan ah dowladda oo ay ka fulin jireen Muqdisho iyo meelo kale.
Ma jirto cid ka madax-bannaan Saraakiisha Danab oo xaqiijisay warkaan sidoo kale Al-shabaab weli kama hadlin.