Dowladda Federaalka ah ee Soomaaliya ayaa guullo ka sheegatay howl-gallo ka dhan ah dagaalamayaasha Al-shabaab oo ay maanta ciidamada Xoogga dalka ka sameeyeen Gobolka Shabeellaha Dhexe.
Howl-gallada ayaa waxaa si gaar ah looga fuliyey deegaanada Xawaadley, Shanlow Jameeco, Yaaqle iyo Dhagaxoow oo dhammaan hoostaga gobolkaasi Shabeellaha Hoose ee Maamulka Hirshabeelle.
Saraakiil ka tirsan ciidamada DANAB oo horkaceysay howl-gallaan ayaa sheegay inay ku dileen illaa 15 ka tirsanaa Al-Shabaab, sida ay hadalka u dhigeen.
Sidoo kale saraakiisha ayaa intaasi kusii daray inay burburiyeen xarumo kale oo ay Xoogaga Al-Shabaab ku lahaayeen deegaanadaasi.
Maalmihii lasoo dhaafay ciidamada Milatariga dowladda Federaalka Soomaaliya gaar ahaan kuwa DANAB ayaa howl-gallo ballaaran ka waday deegaanada dowlad goboleedka HirShabelle, gaar ahaan Hiiraan iyo Shabeellaha Dhexe.