Boosaaso ( HM ) Waxaa maanta ka dhacday Masaajid ku yaala magaalada Boosaaso dhacdo siwayn Bulshadu uga Naxday, kadib markii lagu dhex toogtay mid ka mid ah Madada dhaqanka oo caanka ah degaanada Puntland.
Nin bastoolad ku hubeysnaa ayaa la sheegay inuu galay Masjidka Mubaarak oo ku yaalla Xaafada laanta Hawada ee Magalada Boosaaso, isagoo dhowr xabadood ku dhuftay Suldaan Bashiir Muuse Koonte.
Wararka ayaa sheegaya in rasaastii lagu furay markii hore uu kasoo gaaray dhaawac culus oo uu ugu geeriyooday Isbitaalka National ee magaalada Boosaaso oo loola cararay.
Agagaarka Masjidka ayaa waxaa dilka ka dib ka dhacay qarax loo adeegsadsaday bam gacmeed, inkastoo aan la sheegin khasaare naafeed oo ka dhashay.