|

Daawo:-Mudaharaadkii Shacabka Caynaba ku diideen Cadaalad darada Maamulka Muuse Biixi-Video

Caynaba (HM) -Waxa maanta magaalada Caynaba ee gobolka Sool, ka dhacay mudaharaad xoogan oo lagaga soo horjeeday xeer ay shalay ansixiyeen golaha Wakiilada Maamul gobaleedka Somaliland.

Dadweynaha reer Caynaba ee mudaharaadayey ayaa waxay iskugu soo baxeen wadooyinka waaweyn ee magaalada Caynaba, kuwaasi oo gebi ahaanba xanibay wadada weyn ee isku xirta gobolada Sool iyo Togdheer.

Dadweynahan ayaa sidoo kale waxay saaka taayiro ku gubeen wadooyin kale oo muhiim ah oo ku yaala badhtanka magaalada Caynaba, iyagoona ku dhawaaqayey ereyo ka dhana Golaha wakiilada iyo Xukuumada Biixi oo ay sheegen iney tahay inuu madaxweynuhu ka dhabeeyo balan-qaad uu usameeyay degmadooda oo uusan ka bixin.

HALKAN KA DAAWO VIDEO

Qaar kamid dadweynaha mudaharaadka dhigayey oo warbaahinta la hadlay ayaa sheegay inaysan marnaba aqbaleyn darajooyinka cusub ee loo sameeyey gobolada iyo degmooyinka Somaliland oo ay ansixiyeen golahu, taasi oo magaalada Caynaba lagu siiyay darajada “C”, waxayna yiraahdeen:

“Caynaba ‘C’ uma qalanto, dulmi hore ayaa haystay dulmi kale ma dooneyso, Mudaharaadkana waxanu iclaaminayna ilaa iyo inta aanu ka gun gaareyno, haddii aad ku adkeysataan Caynaba waxay yeelaysa wixii laga hayo”.

“Waxaanu dooneyna in laga dhabeeyo balantii Madaxweynaha uu inoo balan qaaday, Baashe Maxamed oo ku soo baxay codkii gobolka Saraar inuu maanta halka dambe dhigo Caynaba waa nasiibkii, wuxuuna ku soo baxay is xanbaarka Saraar, cid dooratayna majirto”.

Dadweynaha reer Caynaba ayaa sidoo kale waxay carabka ku adkeeyen in Golaha Wakiilladu baal-mareen soo jeedin ballan-qaad uu Muuse Biixi uu hore ugu sameeyay Reer Caynaba, kaasi oo ahaa in Degmada Caynaba laga dhigayo derajada ‘B’.

Xaalada guud ee magaalada Caynaba ayaa waxa la sheegaya in hadda u muuqato mid degan, kadib markii Saaka ay ku waabariisatay Banaanbaxyo waaweyn oo guud ahaanba qabsaday magaalada Caynaba, isla markaana hakad galiyey isku socodkii magaalada.

HM-Laascaanood

Short URL: https://horufadhimedia.com/?p=75801

Posted by on Jul 21 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Abdi: War Majeerteen guracan iga dheh.
  • Abdi: Marxuumkaas waxa loo dillay “Position ka shaqo ee uu hayey”. Sida darteed, dadka sida deg dega ah...
  • Abdi: Mr. R. Mustaqbal; Waan ka xumahay in maqaalka uu ka soo dheereeyey “Raalli gelin ay bixisay Dawladda...
  • mohamuud: BEESHA ISAAQ DADKA WAR HAUGA DHIGIN MAGACOODA WEBKA DHAN BAAD KU XAYAYSIISATAY MA HUNGURI SHILIMO AYAA GALAY
  • turab: https://www.youtube.com/watch? v=6CtwuCk1vKM