|

Akhriso:-Maxaa ka jira in Dowladda Federaalka Soomaaliya ay cunaqabateyn sartay Maamulka Soomaliland..

Hargeysa (HM) ― Siyaasi Bashiir Cabdi Xariir oo kamid ah Mas’uuliyiinta xisbiga Waddani, ayaa sheegay inaysan Somaliland marnaba si toosa xoolaheeda uga iibin Sacuudiga, balse ay ka iibiyaan ganacsato carbeed oo u dhoofiya dalkaasi.

Bashiir Xariir ayaa ku baaqay in Somaliland ay si toosa ula xiriirto dowlada Sacuudiga, isagoona si adag u dhaliilay go’aankii Somaliland lagu hoos geeyay DF Somaliya.

Xariir ayaa waxa kale oo uu sheegay in Dowladda Federaalka Somaliya ay wado sidii Somaliland ay cuna-qabateyn dhaqaale u saari laheyd.

Siyaasi Bashiir Cabdi Xariir oo arrimahaasi ka hadlayana wuxuu yiri “Arrintan dhoofka Xoolaha siyaabo kala duwan ayaa looga hadlay, warar kale duwana wey ka soo baxayaan, xoolaheenana si toos ah inagu Sucuudiga uguma iibino umana dhoofino, ee waxaynu ka iibinaa Ganacsato Carbeed, oo uu ka mid yahay Jaabir, iyaga ayaa si toos ah Sucuudiga u geeya, oo Sucuudiga ula macaamila”.

“Waxa inaga nala gudboon Somaliland ahaan iyo Dawlad ahaanba mar haddii go’aano lid ku ah qaranimadeena ay soo baxeen inaynu si toos ah ula xidhiidhno Sucuudiga, oo aanay cidiba inoo dhaxaynin, gaar ahaan Hay’addaha Dawliga ah Sucuudiga ee dhoofka Xoolaheena saamaynta ku leh, sida Wasaaradda Beeraha iyo Xanaanada Xoolaha, Sucudiguna sidiisaba maaha inuu yidhaahdo Xoolaha Somaliland, Somaliya ha soo maraan, oo Somaliya amar uga soo qaata”.

Wuxuuna intaas kusii daray “Wax qarsoon maaha inay Somaliya inagu wado sidii Somaliland loo saari lahaa cuna qabatayn dhaqaale, mana aha inaynu Somaliya ku meeraysaysano, maxaa yeelay Somaliya waa dal aynu mar midawnay, haddana aynu kala baxnay, inooma taliso, kamana amar qaadano, ee waxaa la inaga rabaa inaynu si xeel dheer u waajahano siyaasada iyo dagaalka dimbolmaasiyadeed ee inaga dhanka ah ee Somaliya inagu wado”.

Maamul gobaleedka Soomaliland ee isagu iskii iskugu yeedhay Jamhuuriyada ayaa ilaa hada waxaa ay Caalamka ka raadinayaan dal aqoonsada kadib markii ay 1991-dii ku dhawaaqeen inay ka go,een Soomaaliya inteeda kale taasoo aysan ilaa hadana aqoonsaneen Dowladda Federaalka ee Soomaaliya.

 

Short URL: https://horufadhimedia.com/?p=75781

Posted by on Jul 21 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Rasta buuni: Maxuma
  • Turab: Bismillaah Allaah baa mahadleh, Shariif la soo gamay, mar haddii wixii caloosha ugu jirey afkiisii ka xaday....
  • Rasta buuni: War fiican
  • Turab: Bismillaah; Sanbaloolshe, waa siyaasi isagoon u qaan gaadhin siyaasada, oo qaxooti degan Ingiriiska xilal...
  • Turab: Bismillaah Axmed madoobe ma aha M/weynaha Jubbaland, laakiin wuxuu ahaa M/weynihii hore ee Jubbaland. Sidee...