|

Dadka Soomaliland oo loo ogalaaday in ay qaataan Baasaboorka Dalka Jabuuti-Akhriso

Hargeysa (Horufadhi News) –Dowladda Jabuuti ayaa markii ugu horreysay billowday in Dadka ku nool deegaanada maamulka Soomaliland ay siiso Baasaboorka Dalka Jabuuti, xilli weli Soomaliland aqoonsi ka helin adduunka.

Safaarada Dowladda Jabuuti ku leedahay magalada Hargeysa ayaa laga billaabay bixinta baasaboorka dalka Jabuuti, waxaana shalay baasaboorkii ugu horreeyey lasiiyey gabar maalmo kooban dhalaneyd, taas oo iyada iyo hooyadeed ay tageen safaarada Jabuuti ay ku leedahay magaalada Hargeysa.

Safiirka Jabuuti u fadhiya Soomaliland Xuseen Cumar Kawaaliye ayaa sheegay in Gabadha ugu horreysay ee Amiira Mahad Maxamed timid Xafiiska Dowladda Jabuuti ku leedahay Hargeysa, isla markaana si rasmi ah loo siiyey Baasaboorka iyo dhalashada dalkaas.

Sidoo kale waxa uu ugu baaqay dhammaan dadka ku nool deegaanada maamulka Somaliland in ay safaarada Jabuuti ee Hargeysa ay u soo doonan doonaan baasaboorka iyo dhalashada Jabuuti, isla markaana ay diyaar u yihiin.

Ugu dambeyn Hooyada dhashay gabadha yar ee ugu horreysay ee lasiiyo dhalashada iyo baasaboorka dalka Jabuuti ayaa ugu mahad celisay dowladda Jabuuti habka ugu fudud ee magaalada Hargeysa ay uga bilaabeen bixinta baasaboorka dalkaas.

Lama yaqaan sababta rasmiga ah ee ka dambeysa tallaabada  Dowladda Jabuuti.

Short URL: https://horufadhimedia.com/?p=64434

Posted by on Jul 4 2018. Filed under wararka. You can follow any responses to this entry through the RSS 2.0. You can leave a response or trackback to this entry

1 Comment for “Dadka Soomaliland oo loo ogalaaday in ay qaataan Baasaboorka Dalka Jabuuti-Akhriso”

  1. Sababta rasmiga ah ee ka dambeysa maqaalkan waa in la cadeeyo in dawlado shisheeye, sida Jabouti, ay safaarado ku leeyihiin magaallo madaxda Somaliland ee Hargeisa. Sabab iyo siyaasad kale kama horayso, kamana dambayso.

Leave a Reply

Recently Commented

  • Abdi: Booqashadda haddeer socota waa ciyi waaggii ka beryey.
  • Abdi: Waxaan u sheegaya Madaxda Dawladda Federaalka Soomaaliyeed, gaar ahaan, Madaxweynaha iyo Ra’isal...
  • Turab: Bismillaah Cawad iyo kaadka wasaarada arrimaha debeda, maxaa kala haysta. Wasaaradii waxay noqotay, meel...
  • Abdi: Dad beri hore aroos lagu xeraystay ayuu ka sheekaynaya.
  • Abdi: Intaasina waxay ahayd bakh bakhdii iyo beentii Puntland ku caanamaali jirtey.