|

DEG DEG:-Weerar dad lagu laayay oo Goordhow ka dhacay Galmudug

Wararka aan ka heleyno inta u dhexeeysa Balanbal iyo degmada Guriceel ee Gobolka Galgaduud ayaa waxaa ay sheegayaan in halkaas lagu dilay dad shacab ah oo kamid ahaa dadka deegaanka Balanbal.

Rag hubeysan ayaa weerar loo adeegsaday rasaas ku qaaday 6 ruux  oo ku sugnaa deegaan lagu magacaabo xirsi lugeey ee Galgaduud, isla markaana rasaastaas uga dhacday qeybaha sare ee jirka.

Dad ku sugan Balanbal ayaa soo weriyey in weerarka lagu dilay 6 ruux, halka dad kalena lagu dhaawacay, waxaana deegaanka tegay falka kadib dad shacab ah oo gurmad u sameeyay dadkii dhaawacmay.

Wararka ayaa intaas kusii daraya in ragga hubeysan ee weerar geystay ahaayeen kuwo watay dharka Ciidanka dowladda Federaalka, iyagoona si deg deg ah uga baxsaday, aadayna dhinaca deegaano howd ah.

Weerarka lagu qaaday dadkii shacabka ahaa ee ku sugnaa deegaanka xirsi lugeey oo 7 KM u jira Balanbal ayaa la sheegay inuu ahaa mid la xiriiray aano qabiil, waxaana xusid mudan in marar badan Galmudug ay ka dhaceen weeraro la xiriiray aano beeleed.

Short URL: http://horufadhimedia.com/?p=89929

Posted by on Jan 13 2021. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]
300x250 ad code [Inner pages]

Recently Commented

  • Cagey: Tirada baarlamaanka guriga hoose waxa la yidhi waa 275 xildhibaan Manama waxa soo xaadiray oo la leeyahay...
  • Cagey: Puntland ma sida jeegaanta ayay iclaamisay goon’isutsaag waa maxay duulimaadyada caalamiga ah ee ay leedahay...