|

Daawo:-Dowladda Soomaaliya oo shaacisay sababta baajisay kulankii Farmaajo & Uhuru Kenyatta-Video

Muqdisho (HM)-Wasaaradda arrimaha dibadda Soomaaliya ayaa waxay soo bandhigtay sababta dhabta ah ee ka dambeysa dib-u-dhaca ku yimid socdaalka madaxweyne Farmaajo ee caasimadda Kenya ee Nairobi.

Axmed Ciise Cawad, wasiirka wasaarada arrimaha Dibadda Soomaaliya, ayaa daboolka ka qaadey in faafitaanka Coronavirus uu baajiyey wadahaladii ay yeelan lahaayeen madaxweyne Farmaajo iyo dhigiisa Uhuru Kenyatta.

Wasiir Cawad oo wareysi gaar ah siiyey warbaahinta Gudaha ayaa daboolka ka qaadey in uusan jirin waqti kale oo ay dhinacyada ku balameen.

Farmaajo ayaa qorshuhu ahaa in uu 26-ka Maaj, 2020 uu u socdaalo magaala madaxda Nairobi si loosii dardargeliyo talaabooyinka lagu hagaajinayo xiriirka mugdiga galay ee labada dal ee deriska ah.

Booqashada la qorsheeyay in uu Farmaajo ku tago Nairobi ayaa ka dambeysay markii uu telefoon ka wacay Uhuru. Warbaahinta waxay warisay in Itoobiya ay ka dambeysay wadahadalkaas telefoonka.

HALKAN KA DAAWO VIDEO

Dowladda Soomaaliya ayaa qashinka ku dartay sheekooyinka ku saabsan in ra’iisul wasaaraha Itoobiya uu fududeeyay, balse waxay xaqiijisay in Farmaajo uu kolkii hore la xiriiray dhigiisa Kenya.

Dhanka kale, Cawad oo difaacay Iskaashiga Saddex-geesoodka ah ee Soomaaliya, Itoobiya iyo Eritrea ayaa meesha ka saarey in uu jiro heshiis qoran oo dhexmaray, isaga oo tibaaxay in ay kaliya jiraan is-afgaradyo.

Wallow ay jiraan su’aalo aan wali laga jawaabin, is-afgaradyadda, sida uu ka xusay Cawad, waxay ku saabsan yihiin iskaashi ay dalalka ka yeeshaan ammaanka, xasiloonida iyo in laga fogaado wax kasta oo keeni karta colaad.

Horufadhi News

Short URL: http://horufadhimedia.com/?p=82827

Posted by on Mar 21 2020. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Rasta buuni: Maxuma
  • Turab: Bismillaah Allaah baa mahadleh, Shariif la soo gamay, mar haddii wixii caloosha ugu jirey afkiisii ka xaday....
  • Rasta buuni: War fiican
  • Turab: Bismillaah; Sanbaloolshe, waa siyaasi isagoon u qaan gaadhin siyaasada, oo qaxooti degan Ingiriiska xilal...
  • Turab: Bismillaah Axmed madoobe ma aha M/weynaha Jubbaland, laakiin wuxuu ahaa M/weynihii hore ee Jubbaland. Sidee...