|

Dowlada Itoobiya oo shaacisay tirada Ciidamada ka jooga gudaha Soomaaliya xili laga cawday.

Muqdisho (HM)-Soomaaliya waxaa ku sugan ciidamo badan oo Itoobiyaan ah kuwaa oo gudaha dalka ku jooga howlgalka Nabad ilaalinta ee AMISOM, waxa ayna ciidankan ka howlgalaan qaar kamid ah gobolada dalka.

Tirada ciidamada Itoobiya ee ku sugan gudaha Soomaaliya ayaan si rasmi ah loo ogeyn, waxaana ciidamada Itoobiya la sheegaa in qaarkood katirsan yihiin AMISOM halka kuwa kalana ay gudaha Soomaaliya usoo galaan sifo sharci daro ah.

Safiirka Dalka Itoobiya u fadhiya dalka Kenya  Meles Alem, ayaa sheegay in tirada ciidamada Itoobiya ee ka howlgala gudaha Soomaaliya ay tiradooda u dhaxeyso 9,000 ilaa 15,000 oo Askari .

Ciidamadan Itoobiyaanka ayaa ka howlgala qaar kamid ah gobolada Soomaaliya gaar ahaan gobolada Baay, Bakool, Gedo, Hiiraan iyo gobolka Galgaduud, waxa ayna ciidamadan ka qeyb qaataan howlgalada ka dhanka ah Al Shabaab.

Meles Alem, ayaa sheegay in dagaalka ay kula jiraan waxa uu ugu yeeray argagaxisada ay keentay in ay yaraadaan weeraro ay gudaha Itoobiya ka geestaan, waxa uuna sheegay in dagaalka argagaxisada ay bilaabeen 1980kii ilaa 1990kii.

Ciidamada Soomaaliya ka jooga dalalka Kenya iyo Itoobiya ayaan laheyn tiradooda saxda ah marka laga reebo qayaas, waxaana wadamadan dariska ah gudaha Soomaaliya soo galiya ciidamadii ay doonaan iyaga oon la socod siin dowlada Soomaaliya.

Itoobiya ayaa marar badan horey usoo galisay Soomaaliya ciidamo badan oo dhibaatooyin badana ka geestay , waxaana markii dambe ciidamada Itoobiya qeyb ka noqdeen howlgalka nabad ilaalinta ee AMISOM.

 

Short URL: http://horufadhimedia.com/?p=80991

Posted by on Dec 9 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]
300x250 ad code [Inner pages]

Recently Commented

  • Cagey: Tirada baarlamaanka guriga hoose waxa la yidhi waa 275 xildhibaan Manama waxa soo xaadiray oo la leeyahay...
  • Cagey: Puntland ma sida jeegaanta ayay iclaamisay goon’isutsaag waa maxay duulimaadyada caalamiga ah ee ay leedahay...