|

Akhriso:-Jubaland oo xaqiijisay inay Soomaliland ku casuumtay caleema saarka Axmed Madoobe.

Laascaanood (HM)-Madaxweyne ku xigeenka Jubbaland, Maxamuud Sayid Aadan, ayaa xaqiijiyey in wafdi ka socda maamulka Somaliland ay ku casuumeen ka qeybgalka caleema saarka Axmed Madoobe.

Sidda laga soo xigtay Sayid iyo illo wareedyo xog ogaal ah, wafuud maamulkaas ka socda ayaa joogay munaasabadda, wallow aysan wada imaan dhamaan xubnihii la marti soorey.

Munaasabadda oo si heer sarre ah loosoo agaasimay ayaa sabtidii maanta ahayd ka qabsoontay Kismaayo, waxaana kasoo muuqday wafuud kala duwan oo isugu jirta siyaasiyiin, madax xil haysa iyo hore.

Mr Aadan oo hadal-jeedinta kusoo dhaweeyay Axmed Maxamed Islaam ayaa sheegay in wafdiga maamulka Hargeysa uu u baaqday “xayiraadyo” taasi oo uu xusay “in ay aad uga xun yihiin”.

Inkasta oo uusan fahfaahin caqabadaha, haddana waxaa xusid mudan in Villa Soomaaliya ay fartay in diyaaradaha tagaya caasimadda ku meel gaarka Jubaland ay soo mareen Muqdisho.

Si lamid ah Maxamuud ayaa waxa uusan kala caddeyn hadii ay maamulka Muuse Biixi Cabdi ay martiqaadka u direen ama xisbiyadda mucaaradka ee halkaas ka jira.

Hogaamiyaha xisbiga mucaaradka ah ee UCID, Faysal Cali Waraabe, ayaa isaga oo ku sugan Finland wuxuu lasii xiriiray Madaxtooyadda Jubbaland, wuxuuna caleema saarka iyo dib u doorashada ugu hambalyeeyay Axmed Madoobe.

“Faysal wuxuu yiri ‘dowladd federaalka waxay idin kugu sameyneysaa wixii ay nagu sameysay ee iska dul-qaata’ wuuna mahadsan yahay,” ayuu Sayid hadalkiisa u dhigay.

Maamulka Somaliland ayaa sheegata madax banaani tan iyo 1991-dii, balse waxa uu caalamka u aqoonsan yahay maamul goboleed hoostaga xukuumadda fadhigeedu yahay magaaladda caasimada ah ee Muqdisho.

Garyaqaanka guud ee maamulkaas ayaa siyaasiyiinta iyo cid walba oo halkaas ku nool wuxuu uga digay in ay tagaan xafladda, isaga oo ku goodiyey in talaabo sharciga waafaqsan laga qaadi doono.

Short URL: http://horufadhimedia.com/?p=79092

Posted by on Oct 12 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Rasta buuni: Maxuma
  • Turab: Bismillaah Allaah baa mahadleh, Shariif la soo gamay, mar haddii wixii caloosha ugu jirey afkiisii ka xaday....
  • Rasta buuni: War fiican
  • Turab: Bismillaah; Sanbaloolshe, waa siyaasi isagoon u qaan gaadhin siyaasada, oo qaxooti degan Ingiriiska xilal...
  • Turab: Bismillaah Axmed madoobe ma aha M/weynaha Jubbaland, laakiin wuxuu ahaa M/weynihii hore ee Jubbaland. Sidee...