|

Kenya oo jawaab kulul siisay Xukuumadda fadhigeedu yahay Muqdisho-Akhriso

Muqdisho (HM)-Kadib markii ay dowladda federaalka ah ee Soomaaliya u gudbisay Qaramada Midoobay dacwad ka dhan ah Kenya, waxaa arrintaasi markii koowaad si furan uga hadashay xukuumadda Nairobi.

Ashtakadda oo loo gudbiyey Hay’adda Duulista Rayidka Aduunka ee ICAO ayaa ku eedeysay Kenya in ay ku xadgudubtay hawada Soomaaliya maadaama diyaarad dalkaas ka diiwaan gishan ay tagtay Kismaayo.

Diyaaradda oo 5-tii October ka degtay xarunta ku meel gaarka Jubbaland ayaa waxaa la socday siyaasiyiin iyo Xildhibaano ka qeybgalaya caleema saarka madaxweyne Maxamed Maxamed Islaam.

Sidda ay wararku sheegayaan diyaaradda oo kawada diiwaan gishan labadda dal ayaa waxaa wada leh siyaasiyiin iyo ganacsato Soomaaliya, kuwaas oo ay iskaashi uu kala dhaxeeyo kuwa Kenyan ah.

Villa Soomaaliya ayaa diyaaradaha tegaya kana soo baxaya Kismaayo ku amartay in ay soo maraan garoonka Muqdisho si loogu sameeyo hubin, balse go’aankaas waxaa lagu sifeeyay “mid siyaasadeysan”.

Mas’uuliyiin la khariyey magaciisa ayaa wargeyska Daily Nation u sheegay in xukuumadda Nairobi ay u aragto dacwadda laga gudbiyey “mid aanan waxbo soo kordhineyn” iyaga oo dhaliilay Muqdisho.

“Soomaaliya iyadda ayaa ka gaabisay siyaasadeeda ku wajahan mas’uuliyadda dhaqdhaqaaqa diyaaradaha rayidka; waxayna eedeyneysaa Kenya, taas sax ma ahan,” ayay sheegeen mas’uuliyiinta.

Nairobi iyo Muqdisho ayaa waxaa haatan ka dhex-aloolsan xiisad diblumaasiyadeed oo ka dhalatay dacwad hortaala Maxkamadda ICJ kuna saabsan xuduud badeed hodan ku ah Shidaal iyo Gaas.

Hogaamiyeyaasha labadda dal ayaa bishii September isku raacay qaboojinta xurgufta kadib markii ay ku kulmeen Nairobi. Farmaajo iyo Kenyatta waxay sameeyeen guddi arrintaasi fududeyn doono.

Xayiradda socdaalka Kismaayo ayaa haatan waxay u muuqataa mid dab kusii shideysa xiisadda, isla markaana meesha ka saarey suurtogalnimada isu soo dhowaanshiyo rajo wanaagsan laga qabay.

 

Short URL: http://horufadhimedia.com/?p=79003

Posted by on Oct 9 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Turab: Bismillaah Axmed madoobe ma aha M/weynaha Jubbaland, laakiin wuxuu ahaa M/weynihii hore ee Jubbaland. Sidee...
  • Abdi: Mayarkaas Hargeisa wax baa ka jira. Media-hu waa weriyey in “Bisad Suulli Ku Dhacday La Badbaadiyey oo...
  • Rasta buuni: Rasta
  • Abdi: War Majeerteen guracan iga dheh.
  • Abdi: Marxuumkaas waxa loo dillay “Position ka shaqo ee uu hayey”. Sida darteed, dadka sida deg dega ah...