|

Deg Deg:-Itoobiya oo gacanta ku dhigtay xubno daacish ah & halkay kasoo galeen-Video

Jigjiga (HM)-Jeneraal Berhanu Jula, taliye ku xigeenka ciidamada waddanka Itoobiya ahna madaxa howlgalada, ayaa u sheegay warbaahinta in ay qabteen “xubno ka tirsan” Daacish.

Sidda laga soo xigtay Jeneraalka, kooxdan ayaa meelo kala duwan oo dalkaas kamid ah waxay isku dayeysaa in ay isku balaariso kuna yeelato unug xoogan, balse wuxuu carabka ku dhuftay in ay ku fashilantay.

Warbixino laga helay hay’addaha sirdoonka ayaa waxay qeexayaan in ay jiraan tirro dagaalyahano ururkan kamid ah, kuwaasi oo tababar kusoo qaatay dibadda, ay galeen dalkaas bilooyinkii lasoo dhaafey.

HALKAN KA DAAWO XOG HORE

“Wali ma caddeyn karno qorshahooda, balse waxay sameynayaan dhaqdhaqaaq si ay u aqoonsadan dagaalameyaashooda, isha ayaanse ku hayaan,” ayay wakaaladda wararka Itoobiya kasoo xigtay sarkaalka.

Dhowaan Daacishta Soomaaliya ayaa baahisay muuqaalo lagu turjumay afka Amxaariga, taasi oo idaacadda VOA-da ku fasirtay in ay doonayan farac ka yeeshaan dalkan dhaca Geeska qaaradda Afrika.

“Ciidamadeena habeen iyo maalin waa ay shaqeyn doonan si ay u kala jebiyaan qorsheyaashooda. Ma jiri doonto wax waqti nasasho ah,” ayuu hadalkiisa kusii daray Jeneraal Berhanu Jula.

Ururkan oo Soomaaliya kaga sugan degaanada Puntland gaar ahaan buuraleyda gobolka Bari ayaa Geeska mandiqada kasoo if-baxay 2015-kii, waxaana hogaamiye u ah Cabdiqadaair Muumin.

“Dadka Itoobiya waxaan u sheegeynaa in aysan haatan ISIL joogin Itoobiya, aysana awood u lahayn in ay ka howlgalaan,” ayuu xusay, isaga oo tibaaxay in qof walba oo la tuhmo lasoo xiri doono.

Short URL: http://horufadhimedia.com/?p=78065

Posted by on Sep 11 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Rasta buuni: Maxuma
  • Turab: Bismillaah Allaah baa mahadleh, Shariif la soo gamay, mar haddii wixii caloosha ugu jirey afkiisii ka xaday....
  • Rasta buuni: War fiican
  • Turab: Bismillaah; Sanbaloolshe, waa siyaasi isagoon u qaan gaadhin siyaasada, oo qaxooti degan Ingiriiska xilal...
  • Turab: Bismillaah Axmed madoobe ma aha M/weynaha Jubbaland, laakiin wuxuu ahaa M/weynihii hore ee Jubbaland. Sidee...