|

Waraysi:-Muxuu ahaa kulankii dhexmaray Wasiirada Dowladda Federaalka ah iyo Muuse Biixi-Video

Muqdisho ( HM ) Wasiirka Wasaaradda Arrimaha dibadda Soomaliya Axmed Ciise Cawad oo faah faahin dheeraad ah ka bixiyay kulan dalka Saudi Arabia ay kula yeesheen wafdigii ka socday maamulka Somaliland uu horkacayay madaxweynaha maaulkaas Muuse Biixi Cabdi.

‘’Annaga iyo madaxweynaha Somaliland iyo wafdigiisa waxaan wada-degeneyn hal Qasri, waxaan isku aragnay oo aan ku kulannay Masjid, Annaga ayaa u tagnay oo Salaan ugu tagnay , Runtiina waxaa uu madaxweyuhu noo soo dhaweeyay si qalbi furan oo Soomaalinimo ah, wixii xiligaa ka danbeeyayna meelo kale oo badan ayaan isku aragnay, kulanku wuxuu ahaa mid salaam oo kaliya ah, waxaan arkayay meelaha qaar dad Soomaaliyeed oo ka hadlayay kulanka oo waliba siyaasadeynaya, wax siyaasad ah oo aan ka wada hadalnay ma jirto, fasaxna uma heysan wafdiggeena dowladda Soomaaliya in aan siyaasad ka hadalno’’ ayuu yidhi Wasiir Cawad.

HALKAN KA DAAWO VIDEO

Laakiin Wasiir Cawad meesha kama uusan saarin kulankii dhaxmaray labada dhinac uu noqon karo mid jawiga siyaasadda wax ka badali kara, madaama maalmihii ugu danbeeyay hawada leysku marinayay hadalo siyaasadeed oo aan wanaagsaneyn.

‘’Dabcan kulankan jawigii hore waxbuu ka badali karaa, Anniga shaqsiyan madaxweynaha isma eynaan aqoonin, laakiin markii aan la kulannay waxaan ogaanay in ay yihiin dad Soomaaliyeed oo wanaagsan oo wax cuqdad iyo shaki ah toona qabin, marka kulankan wuxuu bilow u noqon karaa in uu meesha ka saaro jawiggii hore ee kala shakiga ayuu yiri’’ Wasiir Cawad.

Kulanka wafdiga labada dhinac ayaa u muuqday mid dood adag oo siyaasadeed abuuray, iyadoo xisbiyada mucaaradka Somaliland oo dhankoodaka hadlay sheegeen in wafdiga uu horkacayay madaxweyne Biixi looga fadhiyo jawaabta kulankaa iyo waxa uu daarannaa.

Wasiir Cawad Wuxuu sheegay in Xukuumadda Somalia ee ay Hogaamiyaan Madaxwayne Farmaajo iyo Raysal wasaare Khayre aysan wax dhibaato ah la Jeclahayn dadka Soomaaliyeed ee degan Somaliland, sida uu hadalka u dhigay!!.

Short URL: http://horufadhimedia.com/?p=76742

Posted by on Aug 14 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Abdi: Marxuumkaas waxa loo dillay “Position ka shaqo ee uu hayey”. Sida darteed, dadka sida deg dega ah...
  • Abdi: Mr. R. Mustaqbal; Waan ka xumahay in maqaalka uu ka soo dheereeyey “Raalli gelin ay bixisay Dawladda...
  • mohamuud: BEESHA ISAAQ DADKA WAR HAUGA DHIGIN MAGACOODA WEBKA DHAN BAAD KU XAYAYSIISATAY MA HUNGURI SHILIMO AYAA GALAY
  • turab: https://www.youtube.com/watch? v=6CtwuCk1vKM
  • Turab: Bismillaah Shirtag, ma shalay buu waalaa mise maanta? Shalay wuxuu diidanaa qoladaa gooni goosatada jeegaanta,...