|

Wasiiro Federaalka ah iyo Muuse Biixi oo ku kulmay Sucuudiga-Sawiro

Laascaanood (HM)-Madaxweynaha maamulka Somaliland Muuse Biixi Cabdi iyo Wasiiro ka tirsan Xukuumadda Federaalka ah ee Soomaaliya ayaa ku kulmay dalka Boqortooyada Sacuudiga Carabiya, magaalada Mina oo ay u joogaan gudashada waajibaadka Xajka.

Kulankan oo ahaa mid is arag ah ayaa waxaa Madaxweynaha Somaliland ku wehliyay Wasiirkiisa Arrimaha Gudaha Maxamed Kaahin iyo xubno kale, halka Wasiirada ka socday dowladda Federaalka ee ay is arkeen ay kala yihiin Wasiirka Arrimaha Dibadda Soomaaliya Axmed Ciise Cawad, Wasiirka Maaliyadda C/raxmaan Ducaale Beyle, Wasiirka Kalluumeysiga C/llaahi Bidhaan, Wasiiro dowlaha Xafiiska Ra’iisul Wasaaraha C/llaahi Xaamud.

Labada dhinac ayaa wadajir goob ku taal Mina, waxaana ay isla soo qaadaan xiriirka iyo walaaltinimada.

Wasiiru dowlaha Xafiiska Ra’iisul Wasaaraha C/llaahi Xaamud ayaa qoraal uu bartiisa Facebook soo geliyay ku sheegay inay sharaf u aheyd inay la qaxweeyaaan Madaxweynaha Somaliland Muuse Biixi

“Sharaf ayeey ii ahayd in aan xalay la qaxweeyno Madaxweynaha Somaliland Muuse Biixi iyo Maxamed Kaahin, Wasiirka Arrimaha Gudaha, Madaxweyne Biixi waa nin waayo arag ah, yaqaanana qiimaha aynu isu leenahay, aadna u qaddariya rayiga walaaltinimo.
Fadliga maalmahan barakaysan, iyo dhulkaan barakaysan awgiis Allow kulankeena ka yeel mid barakeysan”ayuu yidhi C/llaahi Xaamud.

Kulankan ayaa ah kii u horeeyay oo Madaxweynaha Somaliland la yeesho Wasiiro ka tirsan Xukuumadda Federaalka, tan iyo markii xilkan loo doortay, sidoo kale waxaa loo arkaa mid yididiilo leh oo ka qeyb qaadanaya sidii la isku soo dhowaan lahaa oo dib wada hadalada labada dhinac loo ambaqaadi lahaa.

Short URL: http://horufadhimedia.com/?p=76660

Posted by on Aug 13 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Rasta buuni: Maxuma
  • Turab: Bismillaah Allaah baa mahadleh, Shariif la soo gamay, mar haddii wixii caloosha ugu jirey afkiisii ka xaday....
  • Rasta buuni: War fiican
  • Turab: Bismillaah; Sanbaloolshe, waa siyaasi isagoon u qaan gaadhin siyaasada, oo qaxooti degan Ingiriiska xilal...
  • Turab: Bismillaah Axmed madoobe ma aha M/weynaha Jubbaland, laakiin wuxuu ahaa M/weynihii hore ee Jubbaland. Sidee...