|

Deg Deg:-Maxakamadda ICJ oo ku dhawaaqday go,aan Kenya aad uga naxayso, Soomaliyana dan u ah-Akhriso

Muqdisho (HM)-Maxkamadda Cadaaladda Aduunka ayaa shaacisay in ay “qasab tahay” in ay hirgalaan go’aanadda ay soo saarto xili lagu wado in ay xukmiso dacwadda badda ee dhextaala Soomaaliya iyo Kenya.

Kiiskan oo taagan tan iyo bishii August 2014-kii xiligaasi oo ay dowladda federaalka ah gudbisay ayaa ku saleysan goob badkeeda lagu sheegay 100 KM oo ku taala xuduud badeedka dalalkan deriska ah.

Goobtaasi ay muranka gelisay Kenya ayaa waxay hodan ku tahay noocyo kamid ah kheyraad dabiiciga ah, sidda Shidaalka iyo Gaaska naqaska ah.

Bisha September ee sanadkan 2019 ayey ICJ dib u bilaabeysaa dhageysiga gal-dacwadeedka iyadda oo xukuumadda Nairobi ay horey ula tagtay doodo ku aadan in Maxkamaddu aysanba qaadi karin dacwadda.

Xukuumadda Uhuru Kenyatta oo u han-qaltaageysa tan iyo bilowgii kiiskan in qaab wada hadal ah lagu dhameeyo ayaa waxaa hoos u dhigay dalabkaasi Muqdisho oo ku adkeystay in ay ka dhowr-sugeyso xukunka Maxkamada.

Kadib dhageysiga bisha September, maxkamadda ayaa la filayaa in ay soo saarto xukunka ugu dambeeya, balse dowladda Kenya waxay bilowday olale ay isku dayeyso in ay ku wiiqdo go’aankaasi kahor ama kadib.

Hasa ahaatee, madaxweynaha xeer-beegtadda caalamiga ah ICJ, Cabdiqawi Axmed Yuusuf, ayaa meesha ka saaray in daaqada laga saari karo xukunadda ay ridaan, isaga oo sharaxaad ka bixiyey sababta.

“Annagga go’aanayadda, qasab waaye in la hirgeliyo, maxaa yeelay Maxkamadii Cadaaladda Aduunyadda ayaanu nahay,” ayuu ku sheegay wareysi uu siiyey muuqaal-baahiyaha Universal Tv.

Qareenkan asal ahaan Soomaaliga ah ayaa wuxuu sidoo kale ka jawaabay mid kamid ah doodaha Kenya ee “sharci daradda ka dhigaya” in ICJ ay qaado kiiskan, isla markaana ay go’aan kasoo saarto.

“Sidaasi darteedna ayey muhiim u tahay in dowladuhu ay horey u aqbalaan awooda ay Maxkamadu leedahay iyo in Maxkamadu ay geli gadho murunada iyo khilaafaada dowladaha dhex-yimaada,” ayuu raaciyay.

Olalaha uu horkacyo Kenyatta ayaa waxaa qayb ka ah helitaanka kursiga aan joogtada ahayn ee Golaha Ammaanka Qaramada Midoobay, taasoo faa’iido dheeri ah siineysa Kenya.

“Dowladaha na-hor-yimaada waa kuwa aqbalay awooda Maxkamadda, soo goosteyna inay Maxkamadda hor-yimaadan, go’aanka Maxkamaddana waa ay fuliyaan, mana dhacdo in go’aanadeena aysan fulin,” ayuu tibaaxay.

Short URL: http://horufadhimedia.com/?p=76652

Posted by on Aug 12 2019. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Abdi: Marxuumkaas waxa loo dillay “Position ka shaqo ee uu hayey”. Sida darteed, dadka sida deg dega ah...
  • Abdi: Mr. R. Mustaqbal; Waan ka xumahay in maqaalka uu ka soo dheereeyey “Raalli gelin ay bixisay Dawladda...
  • mohamuud: BEESHA ISAAQ DADKA WAR HAUGA DHIGIN MAGACOODA WEBKA DHAN BAAD KU XAYAYSIISATAY MA HUNGURI SHILIMO AYAA GALAY
  • turab: https://www.youtube.com/watch? v=6CtwuCk1vKM
  • Turab: Bismillaah Shirtag, ma shalay buu waalaa mise maanta? Shalay wuxuu diidanaa qoladaa gooni goosatada jeegaanta,...