|

Deg Deg-Wararkii ugu dambeeyay ee Qaraxyo xoogan oo gilgilay Magaalada Baydhaba-Akhriso

Baydhaba (HM)-Ugu yaraan 11 ruux oo shacab ah ayaa la soo sheegayaa iney ku dhinteen, qaar kale oo badana ku dhaawacmeen qaraxyo xoogan oo caawa wax yar ka hor salaadii maqribka ka dhacay Magaalada Baydhabo.

Weeraradan ayaa yimid ka dib markii labo nin oo ismiidaamiyay ay si gooni gooni ah isugu qarxiyeen hotel Bilan iyo maqaaxida Badar, oo ku wadayaal wadada marta bartamaha magaalada Baydhaba.

Ciidamada amaanka magaalada Baydhabo oo rasaas fara badan cirka u ridayey ayaa xiray goobaha qaraxyadu ay ka dhaceen.

Meydadka iyo dadka dhaawaca ah ee waxyeeladu ka soo gaartay qaraxyadan ayaa waxaa isbitaalka magaalada Baydhabo u daad gureeyey gaadiidka gurmadka deg deg ah ee ambalaasta.

Maamulka koonfur galbeed ayaan ka hadlin weli qaraxyadan, Illaa haddana ma jirto cid sheegatay, inkastoo weerarada noocan ah looga bartay kooxda Al-shabaab oo dagaal daba dheeraaday kula jirta dowlada Somalia.

Qaraxyada ka dhacay galabta Baydhabo ayaa ku soo aaday xilli magaaladaas ay ka socdaan olole doorasho oo ay wadaan musharaxiinta u tartameysa xilka madaxweynaha Koonfur Galbeed, iyadoo dhinaca kale magaalada bilooyinkan dambe ay aheyd mid amnigeedu fiican yahay oo aysan ka dhicin wax qaraxyo ah.

Short URL: http://horufadhimedia.com/?p=68198

Posted by on Oct 13 2018. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Turab: Bismillaah Cawad iyo kaadka wasaarada arrimaha debeda, maxaa kala haysta. Wasaaradii waxay noqotay, meel...
  • Abdi: Dad beri hore aroos lagu xeraystay ayuu ka sheekaynaya.
  • Abdi: Intaasina waxay ahayd bakh bakhdii iyo beentii Puntland ku caanamaali jirtey.
  • Abdi: Runtu waxay tahay: Guddoomiye Gobol oo isu haysta inuu yahay “Madaxweyne Wadan” waxay ka dhigan...
  • Abdi: Qoraagga maqaalkani warar cadcad oo badan buu soo bandhigay. Waanna loo baahna. Anna waxan ku daraya:...