|

Dalka Eritrea oo lagu wado inay dib uga mid noqoto Urur Goboleedka IGAD-Akhriso

Muqdisho ( Horufadhi News )- Xoghayaha Guud ee Urur Goboleedka IGAD Maxbuub Macalin ayaa sheegay inay rajeynayaan in Eritrea ay dib uga mid noqoto Urur Goboleedka IGAD, kaddib markii ay sanadkii 2007-dii ka baxday xubinimada Ururka.

Warqad uu Maxbuub Macalin u qoray Ra’iisul Wasaaraha Itoobiya Abiy Ahmed ayaa ku sheegay inuu ku ammaanayo sida geesinimada leh uu u fuliyay heshiiskii Algiers iyo inuu caadi ku soo laabtay xiriirkii labada dal Eritrea iyo Itoobiya.

Mr Maxbuub ayaa sheegay in dib uu soo hagaago xiriirka labada dal ee Eritrea iyo Itoobiya ay kaalin weyn ka qaadaneyso xasiloonida iyo dhaqaalaha gobolka.

“Waxaa rajeyneynaa in Eritrea dib ugu soo laabato IGAD oo ay booskeeda rasmiga ah uga qeyb qaadato kaalinteeda horumarinta iyo nabadda Gobolka”ayuu yiri Maxbuub Macalin.

Ra’iisul Wasaaraha Itoobiya Abiy Ahmed ayaa maalintii shalay booqasho taariikhi ah ku tagay magaalada Asmara, taasoo aheyd safarkii u horeeyay oo Mas’uul Itoobiyaan ku tago Eritrea muddo labaatan sano ah.

Labada dal ayaa ku heshiiyay inay dib u soo celiyaan xiriirkii ka dhaxeeyay, iyadoo la isu furayo ganacsigii iyo duulimaadyada, waxaana diyaaradda Ethiopian Airlines lagu wadaa inay duulimaadyadeeda ka bilowdo Eritrea muddo 20 sano kaddib.

Short URL: http://horufadhimedia.com/?p=64682

Posted by on Jul 9 2018. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Murjin: \qurun Qaatumo, kolba dhan aa la jiraa, wax lee soo kordhin faysal dhurwaa iyo cali ordaaye.
  • jama raabi: waxaan u arkaa amuur lagu farxo in madaxweyne farmaajo la kulmo faysal caliwaraabe iyo prof. cali khaliif...
  • Abdi: Md. Farmaajo waa madaxweynaha Soomaaliyeed. Prof. Cali Khalif Gallaidh waa Madaxweynaha Mamulka Khatumo State....
  • Turab: Bismillaah Waxa Alle mahadii ah mar haddii iclaamkii adduunku ay xuseen, dadka Somaliyeed ee xuquuqdooda lagu...
  • ahmed: khaatumo khiyaano waa tan joogta Hargaysa maxay fiilaal cayaaraan waaba la haysaaye. yaad la ciyaaraysaan ma...