|

Haweeneydii u shaqayneysay ICRC ee laga Af-duubtay Muqdisho oo la geeyay Gobolka Mudug-Akhriso

Muqdisho (Horufadhi News)-Wararka ka imaanaya Gobolka Mudug ayaa sheegaya in Haweeneydii u dhalatay Jarmalka ee bishii hore lagu afduubtay magaalada Muqdisho ayaa lagu hayaa meel ku dhow degmada Hobyo.

Dadka deegaanka ayaa xaqiijiyay in kooxo hubeysan ay ku heystaan Haweeneydan meel 5KM u jirta degmada Hobyo, kagana beegan dhanka Galbeed.

Mid ka mid ah odayaasha deegaanka Hobyo oo lagu magacaabo Cali Aadan ayaa u sheegay mid ka mid ah Idaacadaha Muqdisho in haweeneyda lagu haayo meel godod iyo howd ah oo ay ku qariyeen dableydii afduubatay.

“Nimankaas hubeysan meel 5KM u jirta Hobyo ayay ku hayaan, maalmo ka hor ayaa laga soo sheegay, waxay wataan labo gaari, teendhooyin ayay meeshaas ka taagteen”ayuu yiri.

Waxaa uu sheegay in kooxda hubeysan ee gabadha gacanta ku haya ay gaarayaan tobaneeyo ruux, isla markaana ciidamo ka yimid dhanka Gaalkacyo ay baadigoob ku hayaan sida uu yiri.

3-dii bishii May ayay aheyd markii Haweeneydan u shaqeyneysay ICRC laga afduubtay xarun ay Hey’adda ku laheyd agagaarka Isgoyska Zoobe ee magaalada Muqdisho, waxaana afduubka ka dambeeyay mid ka mid ah Ilaalada hey’adda oo ka tirsanaa shirkad gaar ah oo qaabilsan ammaanka.

Short URL: http://horufadhimedia.com/?p=63329

Posted by on Jun 14 2018. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Turab: Bismillaah Cawad iyo kaadka wasaarada arrimaha debeda, maxaa kala haysta. Wasaaradii waxay noqotay, meel...
  • Abdi: Dad beri hore aroos lagu xeraystay ayuu ka sheekaynaya.
  • Abdi: Intaasina waxay ahayd bakh bakhdii iyo beentii Puntland ku caanamaali jirtey.
  • Abdi: Runtu waxay tahay: Guddoomiye Gobol oo isu haysta inuu yahay “Madaxweyne Wadan” waxay ka dhigan...
  • Abdi: Qoraagga maqaalkani warar cadcad oo badan buu soo bandhigay. Waanna loo baahna. Anna waxan ku daraya:...