|

Laamaha Amaanka ee dalka oo Warmurtiyeed Deg deg ah ka soo saaray xaalada Muqdisho Beri.

Hey’addaha Amniga dowladda Federaalka ayaa war saxaafadeed caawa ay soo saareen waxay baaq ugu jeediyeen Xildhibaanada Golaha Shacabka, xilli maalinta berri lagu wado inuu dhaco kulanka Baarlamaanka.

War saxaafadeedka ayaa huwanaa calaamadaha Talisyada ciidamada Booliska, Xoogga dalka, Nabadsugida iyo Asluubta ayaa waxaa loogu baaqay Xildhibaanada inay gacan ku siiyaan sugida amniga iyo sarreynta Sharciga.

Baaqan ayaa ka dambeeyay, markii ay soo baxday Xildhibaanada Golaha Shacabka ay ciidamo fara badan u yimaadeen, isla markaana qaar ka mid ah xildhibaanada la arkay, iyagoo ay ilaalinayaan Ciidamo fara badan.

Ciidamada ammaanka ayaa caawa xiray waddooyin badan, iyadoo caawa fiidkii hore Ciidamada ay isku dayeen inay is hor-taagaan gaadiid uu la socday Xildhibaan C/qaadir Cosoble agagaarka Tiyaatarka, waxaana ciidamada galbinayay Xildhibaanka iyo ciidamada ammaanka ay isku sigteen inay is rasaaseeyaan, balse waxaa markii dambe xaalada taagneyd soo farageliyay Wasiirka Amniga Ducaale oo ciidamada ammaanka kula soo hadlay qadka isgaarsiinta, kuna amray inay ka hor-wareegaan gaariga Xildhibaanka.

Dhinaca kale waxaa caawa magaalada Muqdisho soo gaaray ciidamo fara badan oo Milateri ah, kuwaasoo ku hubeysan gaadiidka dagaalka, ciidamadan ayaa la sheegay inay ka qeyb qaadanayaan sugida ammaanka Muqdisho oo lagu wado in berri uu ka dhaco kulanka Baarlamaanka.

Short URL: http://horufadhimedia.com/?p=59382

Posted by on Apr 3 2018. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Turab: Bismillaah Cawad iyo kaadka wasaarada arrimaha debeda, maxaa kala haysta. Wasaaradii waxay noqotay, meel...
  • Abdi: Dad beri hore aroos lagu xeraystay ayuu ka sheekaynaya.
  • Abdi: Intaasina waxay ahayd bakh bakhdii iyo beentii Puntland ku caanamaali jirtey.
  • Abdi: Runtu waxay tahay: Guddoomiye Gobol oo isu haysta inuu yahay “Madaxweyne Wadan” waxay ka dhigan...
  • Abdi: Qoraagga maqaalkani warar cadcad oo badan buu soo bandhigay. Waanna loo baahna. Anna waxan ku daraya:...