|

Daawo:-Muqdisho wadooyinka waa weyn oo maalintii labaad xidhan iyo Dareenka Shacabka oo-Video

Inta badan waddooyinka magaalada Muqdisho ayaa maalintii labaad ah mid xiran, iyadoo feejignaan sare la geliyay Ciidamada ammaanka oo saaka lagu arkayo waddooyin dhowr ah oo isku xira xaafadaha Muqdisho.

Wadada Maka Al-mukarama ayaa ka xiran dhowr meel oo ay ciidamada ku sugan yihiin, waxaana dadka wadadaas isticmaalayay ay ahaayeen kuwo lugtooda maalayay.

HALKAN KA DAAWO VIDEO

Sidoo kale waxaa xiran wadada hormarta Dekeda Muqdisho ee aada School Polizio illaa 21 October, waxaa kaloo wadada ka xiran tahay Isgoyska KM4, Taleex illaa Tarbuunka.

Dadka reer Muqdisho ayaa cagahooda maalaya, waxaana la diiday gaadiidka, inkastoo gaadiidka ciidamada kaliya ay wadddooyinka qaar isticmaalayaan

Xirnaanshaha Waddooyinka ayaa timid, kaddib markii magaalada Muqdisho uu ka furmay shir heerkiisu sareeyo oo ay ka qeyb galayaan dowladda Federaalka Soomaaliya iyo Beesha Caalamka.

Shirka maanta furmaya oo ah Madasha Iskaashiga Soomaaliya “Somali Partnership Forum” kaasoo looga hadlayo arrimaha siyaasadda, maaliyadda iyo arrimo kale.

Shirka maanta ayaa waxaa shir guddoomin doona Ra’iisul Wasaare Xasan Cali Kheyre, iyadoo ay khudbado ka jeedin doonaan xubno ka tirsan Golaha Wasiirada iyo Beesha Caalamka.

Shirkii shalay ayaa looga hadlayay arrimaha ammaanka, iyadoo dib loogu eegay qodobadii dhinaca ammaanka ee quseeyay dib u dhiska ciidamada.

Short URL: http://horufadhimedia.com/?p=54244

Posted by on Dec 5 2017. Filed under wararka. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Turab: Bismillaah Cawad iyo kaadka wasaarada arrimaha debeda, maxaa kala haysta. Wasaaradii waxay noqotay, meel...
  • Abdi: Dad beri hore aroos lagu xeraystay ayuu ka sheekaynaya.
  • Abdi: Intaasina waxay ahayd bakh bakhdii iyo beentii Puntland ku caanamaali jirtey.
  • Abdi: Runtu waxay tahay: Guddoomiye Gobol oo isu haysta inuu yahay “Madaxweyne Wadan” waxay ka dhigan...
  • Abdi: Qoraagga maqaalkani warar cadcad oo badan buu soo bandhigay. Waanna loo baahna. Anna waxan ku daraya:...