Loading...
|

Waa Kuma taliyaha cusub ee ciidanka Xooga dalka Soomaaliyeed ee la magacaabay?.

Golaha Wasiirada Soomaaliya ayaa maanta u magacaabay Taliyaha cusub ee Ciidamada xoogga dalka Jen, Cabdiweli Jaamac Gorod, kaddib markii uu is casilay Taliyihii hore Jen. Jimcaale Cirfiid.

Taliyaha cusub ee la magacaabay ayaa Wasiir ka soo noqday dowladdii Carte lagu soo dhisay ee uu hoggaaminayay Madaxweynihii hore C/qaasim Salaad Xasan.

Hadaba Halkan hoose ka akhriso Taariikhda Taliyaha cusub

Jeneraal Cabdiweli Jaamac Gorod waxaa uu ku dhashay magaaladda Muqdisho sanadkii 1950-kii. Iskuulka hoose dhexe waxa uu ka dhigtay dugsiga  Macalin Jaamac, Dugsiga sarena waxa uu ka gallay iskuulka farsamada  gacanta ee magaalada Muqdisho.

General Gorod waxa uu ciidanka qortay 1966-dii.  Dalka Ruushka ayaa tababar loogu diray 1975-tii waxuuna waxbarashada luuqada ruushka ka bilaabay magaalada Furanza ee dalkii la oran jiray Midowga Sofyeeti. 1977-dii waxauu duulimaadka diyaaradaha ka bartay Akademiyada Karasnadaar ee dalka Ruushka .

Dalka ayuu dib ugu soo laabtay isagoo xidigle ah. Waxaana la geeyey xerada ciidanka cirka ee Balidoogle. 1980-kii waxa uu qaaday xidigii labaad waxaana loo badalay xeradii ciidanka cirka ee duleedka Kismaayo halkaasoo uu ku bartay duulimaadyada diyaaradaha xamuulka ciidanka.

1984-tii waxa uu qaatay darajada sadax xidigle waxaana loo badalay magaaladda Hargeysa. Waxuuna berigaasi duulin jiray diyaaradaha ciidanka ee loo yaqaano Biyaajo 160 oo  Talyaaniga lagu farsameeyo.

1988-dii waxaa lagu soo celiyey xerada ciidanka cirka ee Kismaayo. Sadax bilood ka dibna waxaa loo badalay Muqdisho oo waxuu cilmi kororsi luuqadaha ah ka bilaabay machadkii la oran jiray OMC oo dowladda Maraykanka ay gacanta ku haysay. Waxuu noqday gaashaanle sare. Isagoo gaashaanle sare ah ayayna burburtay dowladii dhexe.

Jeneral Gorod xukuumadii Carte ee Ali Khaliif Galaydh ayuu ka noqday wasiirka dekadaha. Labo sano ayuuna hayay xilkaasi.

Jeneraalka waxuu dhalay sideed caruur, waxaa uu ku noolaa UK, gaar ahaan magaalada London.

 

 

Waxaa qoray: Ismaaciil Mukhtaar Oronge

Short URL: http://horufadhimedia.com/?p=51979

Posted by on Oct 13 2017. Filed under wararka. You can follow any responses to this entry through the RSS 2.0. You can leave a response or trackback to this entry
Loading...

Leave a Reply

Loading...

Recently Commented

  • kalshale: war aniga waxaaba iiga daran nin waalan oo aan miyir qabin aan waxba kala ogayn ayuu odaygii wax...
  • Ceegaag: War duqii ina Galayr ahaay yaa arkay? Kkkk @Turab, duq Galayr waa xaggee guriga uu ku soo noqonayaa?...
  • Ceegaag: War duqii ina Galayr ahaay yaa arkay?! Mise futadii xumayd ee Iidoor buu galay. Midda kale, mar la arkaba...
  • Turab: Bismillaah Fadlan, dadka aan reer Khatumo ahayn kama hadli karaan arrimaha Khatumo. Ha la sugo maamulka iyo...
  • qorrog: Qariidadhaye Waar ilaah baan kugu dhaarshee makaa dhabba isla weynaantani? Ma Iidoor oo dhan baad isku...