|

Wasiirka Maaliyadda oo is-hortaagay barnaamijka dakhli kordhinta Gobolka Banaadir.

Wasiirka Maaliyadda Xukuumadda Soomaaliya C/raxmaan Ducaale Beyle ayaa la sheegay inuu is hor-taagay qorshaha Gobolka Banaadir loogu kordhinayo miisaaniyadda, gaar ahaan dakhliga uu ka helo Dekeda Muqdisho.

Guddoomiyaha Gobolka Banaadir ahna Duqa Muqdisho Taabid Cabdi Maxamed ayaa bishii August ee sanadkan hor-geeyay Golaha Wasiirada warbixin ka hadleysa howlaha Gobolka iyo adeegyada lagama maarmaanka ah inuu u qabto shacabka, isagoo codsaday in 10% loo kordhiyo dakhliga Gobolka uu ka helo Dekeda Muqdisho oo hore u ahaa 15%.

Soo jeedinta ka timid Guddoomiyaha Gobolka ee kordhinta dakhliga oo ay aqbaleen Golaha Wasiirada ayaa noqotay mid aakhirkii dambe ka gudbi weyday Wasaaradda Maaliyadda oo laheyd  dar dar gelinta howlaha dakhli kordhinta gobolka.

Wasiirka Maaliyadda C/raxmaan Beyle ayaa la sheegay in dhowr jeer oo hore ka hor-yimid barnaamijka dakhli kordhinta Gobolka Banaadir, waxaana arrintan ay sababtay in Maamulka Gobolka Banaadir uu ashtako u gudbiyay Xafiiska Ra’iisul Wasaaraha.

Maamulka Gobolka Banaadir ayaa ku doodaya in kordhinta miisaaniyadda Gobolka ay tahay mid lagama maarmaan u ah howlaha Gobolka Banaadir uu ku hormarinayo adeegyada uu bulshada u haayo.

Maamulka Gobolka Banaadir ayaa ballan qaaday inuu Muqdisho ka dhisi doono Iskuulo cusub oo lacag la’aan ah, xarumo caafimaad oo dadka si bilaash ah lagu daaweeyo iyo adeegyo badan oo uu maamulka cusub diyaariyey in lagu soo kordhiyo Gobolka haddii miisaaniyada la dalbay loo kordhiyo.

HR

Short URL: http://horufadhimedia.com/?p=51680

Posted by on Oct 4 2017. Filed under wararka. You can follow any responses to this entry through the RSS 2.0. You can leave a response or trackback to this entry

1 Comment for “Wasiirka Maaliyadda oo is-hortaagay barnaamijka dakhli kordhinta Gobolka Banaadir.”

  1. Bismillaah

    Wasiir Beyle, wuxuu isku deyayaa inuu wadanka oo dhan u wada shaqeeyo, gobolka Banaadir, waxay istaahilaan ama ay xaq u leeyihiin, uma diidin umana diidi karo. Gobolka Banaadir taariikhiyan, Somali ayuu cunayey ilaa 60 kii markii xoriyadda la qaatay ilaa iyo maanta. Wixii Somali hanti lahayd iyo wixii mucaawimo la siiyey, waxa lagu dhisayey Xamar. Caqli xumada iyo garasho yaraanta, waxay arkeen dekada iyo airport-ka oo xoogga dakhliyi ka soo baxayo, waxay doonayaan, in isla magaaladii xaqa ummadda ku maqnayd, waqtigan yara adag inay sed bursi sii hesho. Suuratul israa waxa ku jirta aayad odhanaysa macnaheeda ” haka dhigina gacantiina mid ku foorarta dhuuntiina/cunihiina”. Reer Banaadirow iimaanka isku jelisa.

Leave a Reply

Recently Commented

  • Murjin: \qurun Qaatumo, kolba dhan aa la jiraa, wax lee soo kordhin faysal dhurwaa iyo cali ordaaye.
  • jama raabi: waxaan u arkaa amuur lagu farxo in madaxweyne farmaajo la kulmo faysal caliwaraabe iyo prof. cali khaliif...
  • Abdi: Md. Farmaajo waa madaxweynaha Soomaaliyeed. Prof. Cali Khalif Gallaidh waa Madaxweynaha Mamulka Khatumo State....
  • Turab: Bismillaah Waxa Alle mahadii ah mar haddii iclaamkii adduunku ay xuseen, dadka Somaliyeed ee xuquuqdooda lagu...
  • ahmed: khaatumo khiyaano waa tan joogta Hargaysa maxay fiilaal cayaaraan waaba la haysaaye. yaad la ciyaaraysaan ma...